تەنیایی

سەمیع داوود/شاعیری عێراقی

May 10, 2018

سەمیع داوود، شاعیرێکی عێراقییە. (بۆ دەوڵەمەندکردنی ژیاننامەی سەمیع داوود، هاوکاریی باڵندە بکەن)

 

 

تەنیایی
سەمیع داوود
وەرگێڕانی لە عەرەبییەوە: ئارام ئیسماعیل

 

 

 

 

 

١
بەنێو تەنگوچەڵەمەکانی ڕۆحدا دێم و دەچم
چراکان دادەگیرسێنم و
ڕەشەبا دەکوژێنمەوە
شوێن لە ناشوێن دوور دەخەمەوە
“بوونێک” بەبێ زەنگ و بەبێ کەڕەنا ئاشکرا دەکەم
لێرە کەسێک، هاوبەشیی تەنیایییەکەم ناکات؛ خۆم نەبێت
یان بەردێک لەسەر خەونێکی سارد
دەنوێت… و هێلکەشەیتانۆکەیەکیش
ئاو زمانێتی.

 

 

٢
ڕووخساری کتوپڕ هاتە بەر دیدەم
خۆی بەسەر گۆچانی فێڵ و مەکربازییەکەیدا نووشتاندبووەوە
کۆشک و تەلاری فریودەرانەی هەڵچنیبوو
چاودێریی پۆل پۆل ڕەوە پەپوولەکانی دەکرد
تاکو پانتایییەکی زیاتری من داگیر بکات .
پەرشوبڵاویم کۆ دەکەمەوە
زمانم ڕێک دەخەمەوە
بۆ هاندانی هەستوسۆزی ئەو
بیرەوەرییەکانی ئەو، بە هەندێک گۆرانیم تازە دەکەمەوە
تەدارەکی تەنیایییەکەم لە سێبەرێکی
تاریک و نوەتەکدا ڕێک دەخەم
هەوری بغووردیی ئەو، تێکەڵ بە
دووکەڵی شمشاڵەکەمی دەکەم و
دوای ئەوە… دەست دەکەم…
بە ئاوابوون.

 

 

سەرچاوە: دیوان مزامیر سیندال