سەبارەت بە قوونماچکردن

ئالن گینسبێرگ/شاعیری ئەمەریکی | لە تافی لاویدا

June 16, 2018

 

سەبارەت بە قوونماچکردن
ئالن گینسبێرگ

وەرگێڕانی لە ئینگلیزییەوە: ژیار ئەسوەد

 

 

هەندێک لە (هایکۆ)کان
چایەکەم
بەبێ شەکر دەخۆمەوە
هیچ جیاوازییەکی نییە.

 

ساڵێکی دیکەش
بەسەر زەویدا تێپەڕی
کەچی هیچ شتێکیش نەگۆڕا.

 

چۆلەکەکان لە بەرزایییەوە
بەرەو خوا ڕیقنە دەکەن
ئاهـ، مێشک و هێلکەکانم!

 

(هایکۆی زستان)
ناوی هیچ گوڵێکم نەدەزانی
ئەمێستا باخچەکەم مردووە

 

یەکەم شت لە باخچە کۆنەکەمدا
لە دووی گەڕام:
دارگێلاسەکە بوو.

 

مێزە دێرینەکەم
یەکەم شت بوو
لە ماڵەکەمدا بە دوایدا گەڕام.

 

گۆڤاری منداڵیم
یەکەم شت بوو
لەنێو مێزە دێرینەکەمدا دۆزیمەوە.

 

تارماییی دایکم
یەکەم شت بوو
لە ژووری دانیشتن دۆزیمەوە.

 

مانگ بە بنمیچەکەوەیە
کرمەکانیش لەنێو باخچەکەن
ئەم خانووە بە کرێ دەدەم.

 

سەرتاشین تەواو دەکەم
بەڵام ئەو چاوانەی لێیان دەڕوانیم
بەسەر ئاوێنەکەوە جێمان.

 

لە نهۆمی ژمارە پەنجا
سەگێک، ئێسقان دەکڕێنێت
وەک هاواری تاکسییەکان.

 

شێتەکە
لە فیلمەکانەوە دەردەچێت
وەک شەقامی ئێواران.

 

قوونماچکردن
قوون ماچکردن جۆرێکە لە ئاشتی
ئەمێریکا پێویستە ماچی قوونی دایکەزەوی بکات
سپیپێستەکانیش ماچی قوونی ڕەشپێستەکان
لە پێناو ئاشتی و بەختیاریدا.
بەڵێ؛ تاقەڕێگەیەک بۆ ئاشتی: قوونماچکردنە!